Jinsi ya kupika Ugali

Jinsi ya kupika Ugali

Jinsi ya kupika ugali wa mahindi:  Ugali ni chakula kinacholiwa sana Afrika ya Mashariki. Tokea nikiwa mdogo nimekuwa nikitumia chakula hiki hasa nyakati za mchana.

Leo nimekutayarishia ugali maarufu, Ugali wa unga wa mahindi. Nimejaribu kutafuta namna nyepesi ya kupika chakula hiki. fuatiliana nasi.

Mapishi ya: Ugali wa mahindi

Maandalizi na Mahitaji

Mahitaji

  • Unga wa mahindi robo kilo (Gramu 240)
  • Maji Nusu lita

Namna ya kupika hatua kwa hatua

Namna ya kupika Ugali

  1. Weka maji kwenye moto ili yachemke
  2. Tengeneza mchanganyiko kwa kutumia kiasi kidogo cha unga na maji kwenye bakuli pembeni
  3. Ongeza mchanganyiko wako huo kwenye maji yanayochemka
  4. Koroga vizuri kwa kutumia mwiko mpaka iwe uji ulioiva
  5. Ongeza unga uliobaki na uchanganye vizuri hadi iwe ngumu.
  6. Endelea kukoroga (kusonga), ukihakikisha hakuna mabonge hadi ugali uive vizuri.
  7. Epua na upakue ikiwa moto.

Dondoo

Maziwa freshi yanaweza kutumiwa badala ya maji pamoja na siagi kidogo. Usiposonga (koroga) vizuri ugali utabaki na mabonge bonge yenye unga ndani Maji yasipochemka vizuri kuna uwezekano wa kutoka ugali mbichi. Ugali unaweza kuliwa na mbogamboga, Nyama za kukaanga pamoja na achali na saladi, Ugali haupendezi kuliwa na mboga zenye michuzi mingi.

Hivyo ndivyo jinsi ya kupika ugali wa unga wa mahindi. Asante kwa kutembelea blogu yetu.

Ugali huu unaweza kuliwa na watu : 2-3

My rating 5 stars:  ????? 1 review(s)


 

Maoni 3

  1. ERICK JUSTIN KENTE anasema:

    Mimi sijaelewa

  2. Du hicho kipaja kinatamanisha.. Hongera chef

Una Jambo? Toa Maoni Hapo Chini