Jinsi ya kupika Chapati za Maji

Jinsi ya kupika Chapati za maji: Leo ninakuletea hatua kwa hatua namna ya kuandaa na kupika Chapati laini za Mayai. Tafadhali fuatana nami katika pishi hili.

Pishi: Chapati za maji/laini

Utangulizi: chapati ni kitafunwa au chakula kinachopendwa na wengi. Kuna Chapati za Kusukuma na Laini au za maji. Aina hii ya pili hupendwa zaidi na watu kwa sababu ni rahisi kutayarisha. Fuatana nami hatua kwa hatua namna ya kuandaa pishi hili tamu

Mahitaji

  • Ngano 1/2 kilo
  • mayai 3
  • mafuta au samli 1/4 kikombe
  • kitunguu kikubwa kilichosagwa 1
  • Kitunguu Swaumu punje 4
  • Chumvi 1/2kijiko au kulingana na matakwa yako

Mahitaji

Namna ya kupika chapati za maji

  1. Chekecha unga wako vizuri weka katika bakuli safi.
  2. Tia maji katika bakuli la unga na ukoroge mpaka upate uji wa wastani si mzito san a wala si mwepesi sana.
  3. Ongeza mayai na chunmvi endelea kukoroga.
  4. Ongeza kitunguu swaumu na kitunguu maji. Injika kikaango chako jikoni subiri kipate moto.
  5. Chota pawa moja mimina na tandaza kuzunguka kikaango subiri sekunde tano hadi kumi mpaka ikauke kisha geuza upande wa pili.
  6. Tia mafuta huku ukigeuza na kuzungusha ili mafuta yaenee pande zote na ili chapati isiungue. Endelea kugeuza mpaka iwe rangi ya kahawia.
  7. Hapo chapati zitakua tayari kwa kuliwa.
  8. Fanya hivyo kwa chapati zote zilizobakia

Matayarisho hayo yanatosha kupika chapati za mayai/laini sita (6) mpaka kumi (10) . Chapati za maji hupendeza zaidi kuliwa Michuzi mizito, Chai na kadhalika. Nenda kajaribu kuandaa pishi hili kisha uje utupe mrejesho. Kama una maoni yoyote kuhusu Jinsi ya kupika chapati za Maji na Mayai andika hapo chini. Asante

 
 

No Comments

  1. Mwanaheri says:

    HALLO UKHT RAHMA
    MIMI HUPENDA SANA CHAPATI
    TUWEKEE NA CHAPATI ZA KUSUKMA

     
    • Chef Rahma says:

      Asante kwa ushauri, endelea kutembelea blogu yetu

       
  2. evaline says:

    nashukuru kwa pishi hili nimejifunza kitu ila sijaelewa thomu ni kiungo gani mm sikifahamu au inawezekana nafahamu kwa jina lingine naomba unisaidie chef

     
    • Chef Rahma says:

      Ni VITUNGUU SWAUMU AU GARLIC KWA LUGHA YA KIINGEREZA

       
  3. livia says:

    nimejifunza na nimeandaa leo zimetoka poa sana ila mkitumia majina magumu ya viungo mnatupa tabu…..

     
    • Chef Rahma says:

      Hongera! Kuhusu viungo tutaweka kurasa maalumu ya viungo vyote na picha zake

       
  4. eliza says:

    nahitaji kujua kiungo kinachoitwa thom na ikiwezekana mtumie kutoa na picha za viungo

     
    • Chef Rahma says:

      garlic au kitunguu swaumu

       
  5. Suleiman Kupaza says:

    Asante sana Che Rahma, nimepika chspati leo nyumban kwng na nimezifurahia na nimeshiba. Asante sn.

     
  6. glory munuo says:

    Chief kiukweli chapati ni tamu sana.hebu endelea kutupatia ujuzi maana yake.mafanikuo ndanu ni mazuri.

     
    • Chef Rahma says:

      Asante glory!

       
  7. Eliza says:

    Asante sana kwa pishi zuri la chapati za maji, nimelifurahia na nitajaribu kupika niifurahie zaidi. Ila naomba usisahau kututumia na hiyo kurasa ya viungo kwani tunapata shida mno.

    liz

     
  8. Peace Apolinary says:

    Ni mzuri sana

     
  9. montegotlieb says:

    sukari haitakiwi kwa maana kuna watu huweka VP apo??

     
    • Chef Rahma says:

      Sukari unaweza kunyunyizia kidogo wakati Chapati zishaiva kabla ya kupoa.

       
  10. james benjamin says:

    asante imenisaidia kula chapata zangu leo ……..mimi na my babieee

     
  11. pendo says:

    sasa hapa unavyoweka kitunguu swaumu na kitunguu maji maana ninaona chapati inaivya vitunguu bado.

     
  12. nuru gavile says:

    As ante kwa elimu

     
  13. zainabu says:

    nimefurahi sana kwa darasa

     
  14. BOAZ says:

    chapati tamu sana.Asante kwa somo zuri

     
    • Chef Rahma says:

      Asante BOAZ endelea Kutembelea Tovuti yetu

       

Leave a Reply

Your email address will not be published. Required fields are marked *

*