Jinsi ya kupika visheti

Jinsi ya kupika visheti

Wadau wa jiko letu, leo tuna visheti, visheti ni aina ya kitafunwa, chaweza liwa na kahawa, chai, juisi na hata maji ukihaaliwa. Ila kwa chai na kahawa vinapendeza zaidi. Kuna nmna tofauti tofauti za uandaaji wa visheti, kukandia nazi, mara nyengine mafuta, waweza pia kukandia siagi na hata maziwa. Vya leo tutatumia siagi, na tukijaaliwa siku nyengine tutapika na hizo aina nyengine.

Ingredients

  • Ngano kilo1
  • mafuta lita1
  • siagi robo kilo
  • yai 1
  • Hiliki kiasi
  • baking powder kijiko1
  • Chumvi kidogo sana
  • Sukari nusu

Directions

  1. Chunga unga wako, weka baking powder, tia chumvi kidogo ukipenda, tia sukari kidogo na hiliki changanya na siagi uvuruge
  2. tia mafuta nusu kikombe, endelea kuvuruga unga wako
  3. piga yai litie kwenye unga, endelea kuvuruga
  4. ongeza maji kiasi ili unga wetu uweze kukandika na kushikana kuwa donge moja
  5. Tengeneza vidonge vidonge, kisha uviviringishe hadi viwe kama fimbo, baadae weka kwenye kibao ukatekate visheti vidogodogo
  6. Weka mafuta kwenye karai jikoni, yakipata moto kaanga visheti hadi viive, kisha vitoe pembeni uanze kuandaa SHIRA
  7. andaa shira kwa kutumia sukari nusu, na maji kikombe cha chupa ya chai kimoja, bandika jikoni maji ulotia sukari yachemke hadi yatoe povu na ukiitoa kidogo ukiishika inanata sana, hapo shira ni tayari
  8. mimina visheti ulokaanga kwenye sufuria ya shira, weka na hiliki, kisha vipetepete ili vijigeuze na kuenea sukari vyote. Vikiwa tayari vimekaukia sukari vizuri, visheti vyetu weka kwenye chombo tayari kumfikia mlaji

Visheti vyetu tayari wadau, mi huvipenda hivi vya kukandia siagi sababu hukaa muda mrefu bila kuwa vigumu. Kwa hiyo waweza tengeneza ukala na vikibaki unavihifadhi vizuri kwa ajili ya kutafuna sikunyengine.

 
 

No Comments

  1. Eliza says:

    Ahsante kwa kunijuza kwani mara nyingi visheti ambavyo ninavila huwa nivigumu kwa kuwa hawajatumia siagi. Ahsante, nitajaribu kutengeneza.

     
    • Salma Chef says:

      Jaribu utuletee mrejesho,karbu

       
  2. mpendevu says:

    nakushukuru sana kwa kutushirikisha utaalamu wako. ubarikiwe, asante sana

     
  3. lightness says:

    Iyo ngano ni iliyosagwa au??

     
  4. lightness says:

    Ahaaa samahan nshaelewa ni unga wa ngano

     
  5. lily says:

    Nauliza kaama huachi viumuke maana umetia hamila pia nauliza backing poder ipi ya chenga au??

     
  6. Dayan Iddy says:

    pishi zuri nmelipenda

     
  7. salma says:

    Me naomba kuulza kijiko cha baking powder ni cha chakula au cha chai

     
  8. frida says:

    Baking powder ya maandazi au keki

     
    • Chef Rahma says:

      Yoyote inafaa, ila ya maandazi inafaa zaidi..

       
  9. conso says:

    Nimefurah nimetengeneza n Wateja wamevipenda

     
    • Salma Chef says:

      Hongera, Tumefurahi kusikia kuwa Wateja wako wamependa Pishi hili…

       
  10. happy says:

    pishi liko vizuri, naomba kuuliza sukari ya shira inatakiwa nyeupe au hata ya kawaida

     
    • Chef Rahma says:

      Hata ya kawaida itafaa

       
  11. linadavie says:

    Pishi zuri sana naomba kufahamu kikombe cha chupa ya chai kidogo au kikubwa

     
  12. Jacqueline says:

    Asante sana, nimejifunza kitu

     
  13. zulaikha Ghalib says:

    Asante Da Rahma nami nijarb kupka

     

Leave a Reply

Your email address will not be published. Required fields are marked *

*