Jinsi ya kutengeneza kalimati ya maharage

Jinsi ya kutengeneza kalimati ya maharage

Jinsi ya kutengeneza Kalimati ya maharage: Maharage yanatumika katika mapishi aina nyingi sana, Leo tutapika kalimati kwa kutumia maharage!. Kaimati hii ni nzuri sana kwani ina maharage yenye protini nyingi.

Pishi: jinsi ya kutengeneza Kalimati ya maharage

Maandalizi na Mahitaji

Ingredients

  • Maharage yaliyopikwa na kuiva 1/2 kikombe.
  • Maziwa safi 1/4 kikombe.
  • unga wa ngano Kikombe kimoja.
  • Mafuta ya kupikia.
  • Chumvi kiasi.
  • Yai 1.
  • Baking powder 1/2 kijiko cha chai (ukipenda).

Utayarishaji

Jinsi ya kutengeneza Kalimati hatua kwa hatua

  1. Chemsha maharage hadi yalainike na kukauka maji.
  2. Maharage yakipoa songa hadi yalainike vizuri.
  3. Chukua Una wa ngano changanya na backing powder kisha chekecha na tia chumvi.
  4. Changanya unga na maharage katika bakuli kubwa safi
  5. Koroga yai.
  6. Tia yai katika mchanganyiko huo, changanya vizuri
  7. Tia maziwa kwenye mchanganyiko huo, hakikisha unakuwa mzito wa kutosha unaokatika ukimimina.
  8. Chemsha mafuta katika kikaangio chako.
  9. Chota na kijiko cha chakula weka kwenye mafuta yanayochemka.
  10. Choma mpaka ziwe za kahawia. Tayari kitafunwa.

Jinsi ya kutengeneza kalimati: Dondoo

  • Unaweza kutumia sukari badala ya chumvi na kalimati zako zitakuwa tamu

Jaribu kutengeneza kalimati hizi za Maharage na utujuze kupitia sanduku la maoni hapo chini. Asante

 


 
Tags:

Maoni 3

  1. Asha SALIM anasema:

    tunashukuru juhudi zenu zinatia hamu ya kuweza kujifunza kila mmoja wetu katika jamii, ila napenda kufahamu hamira ya chenga tumiki?

  2. wow chef wetu nimefurahi sana kujifunza jinsi ya kutengeneza kalimati ya maharage sikujua maharage yanaweza kutoa kitafunio kizuri hivyo hongera kwa kutupa elimu . nakupa bigup sana

    Doreen toka Geita

Una Jambo? Toa Maoni Hapo Chini